守護之星Sunny 、 Zander宣佈:「動物守護.社區大使」正式啟動!


守護之星Sunny 、 Zander宣佈:「動物守護.社區大使」正式啟動!

近年本港發生唔少轟動社會的虐待動物案件,社會希望能成立「動物警察」,增加對動物案件嘅關注。警方上月底正式舉行「動物守護.社區大使」計劃啟動禮,警務處長鄧炳強在典禮上宣布,將各警區專責的刑事調查隊命名為「動物罪案警察專隊」,回應社會嘅需要。兩隻警犬 Sunny同Zander仲會加入,成為守護之星一齊亮相添!

Owoh 編輯小隊 | 2021年03月16日更新

近年本港發生唔少轟動社會的虐待動物案件,社會希望能成立「動物警察」,增加對動物案件嘅關注。警方上月底正式舉行「動物守護.社區大使」計劃啟動禮,警務處長鄧炳強在典禮上宣布,將各警區專責的刑事調查隊命名為「動物罪案警察專隊」,回應社會嘅需要。兩隻警犬 SunnyZander仲會加入,成為守護之星一齊亮相添!

 

警方話,為鼓勵市民支持及協助打擊殘酷對待動物嘅行為,警方會積極推展「動物守護.社區大使」計劃,喺社區層面循從教育、宣傳、情報收集及調查四方面打擊殘酷對待動物嘅行為。

 

最重要嘅係,計劃希望凝聚愛護動物人士嘅力量,提高公眾防止殘酷對待動物嘅意識,鼓勵公眾如果發現動物罪惡時,可以適時舉報,並且提供有助調查嘅資料。



 

為積極推展「動物守護.社區大使」計劃,兩隻警犬SunnyZander將會成為計劃嘅守護之星。Sunny係拉布拉多尋回犬,而Zander就係史賓格犬,佢哋嗅覺比其他犬種更加靈敏,所以最適合作為搜索犬,佢哋嘅訓練大概需時八星期,透過輕鬆遊戲及玩物獎勵的方式訓練。依家佢哋已經完成咗一連串嘅專業訓練,即將成為出色嘅搜索犬。

 

當然除此之外,佢哋亦會擔任計劃「守護之星」,將會走入社區同市民一齊交流宣傳,為親切大使宣揚「守護動物、尊重生命」嘅訊息。佢哋真係好得意,好想快啲見到佢哋呀!


加入購物車成功!

查看購物車 繼續購物
購物籃
購物車